FORGOTTEN LANGUAGE

Once I spoke the language of the flowers,
Once I understood each word the caterpillar said,
Once I smiled in secret at the gossip of the starlings,
And shared a conversation with the housefly
in my bed.
Once I heard and answered all the questions
of the crickets,
And joined the crying of each falling dying
flake of snow,
Once I spoke the language of the flowers. . . .
How did it go?
How did it go?
Shel Sliverstein

တိရစ္ဆာန်ရုံထိန်းရဲ့ မယား သို့ မဟုတ် သမ္မာကျမ်းလာ တားမြစ်သစ်ပင်တပင်
ငြိမ်းဝေ | ဒီဇင်ဘာ ၇၊ ၂၀၀၇

(က)

“မဟာပူရိသ၀ါဒ” နဲ့  “မဟာဣတ္ထိယ၀ါဒ” အကြောင်းကို ခြေခြေမြစ်မြစ်တော့ ကျနော်နားမလည်ပါဘူး။ ဒါပေမယ့် ပူရိသပဲ ဖြစ်ဖြစ်၊ ဣတ္ထိယပဲဖြစ်ဖြစ် ကိုယ့်ဘက်က တရားလွန်အခွင့်အရေးယူတဲ့ ကိစ္စဟူသမျှ ကျနော်ကတော့ မနှစ် သက်ပါဘူး။

ဝန်ခံရမှာတခုတော့ ရှိပါတယ်။ လူသားရဲ့ သမိုင်းမှာ မဟာပူရိသ၀ါဒဟာ အလွန်မတန်သက်တမ်းရှည်ကြာ ထွန်းကား နေတာကတော့ အမှန်ပါပဲ။ ဒါပေမယ့်လည်း မဟာဣတ္ထိယ၀ါဒ ထွန်းကားတဲ့ခေတ်လည်း ရှိခဲ့ဖူးပါတယ်။ မဟာပူရိသ ၀ါဒ ထွန်းကားတာ သက်တမ်းရှည်ကြာလွန်းတော့ မဟာပူရိသ၀ါဒရဲ့မတရားလွန်ကဲတဲ့ကိစ္စတချို့ဟာ တရားတဲ့ ကိစ္စတွေအဖြစ် အသားကျလာခဲ့ကြပြီး လူများစုကြီးကမသိစိတ်နဲ့လက်ခံလာကြရတဲ့ကိစ္စကတော့ ၀မ်းနည်းစရာပဲပေါ့။

မဟာပူရိသ၀ါဒ သက်တမ်းရှည်ကြာအောင် လွှမ်းမိုးနေလာနိုင်တဲ့ အချက်တွေထဲမှာ လူတွေအလုပ်တာဝန်ခွဲဝေလုပ်ကိုင် လာတဲ့ခေတ်ရဲ့ တွန်းအားတွေအများကြီး ပါနိုင်မယ်ထင်ပါတယ်။ ခန္ဓာဗေဒအရ “ ဖို ” က “ မ ” ထက်ပိုပြီး ခွန်အားရှိတဲ့ သဘောမို့  မိသားစုတစုမှာပဲဖြစ်ဖြစ်၊ လူအုပ်စုတစုမှာပဲဖြစ်ဖြစ်၊ မ ဟာ ဖို လောက် အရေးမပါ အရာ မမြောက်တဲ့သဘော သက်ဝင်လာခဲ့ပြီး မဟာဖိုဝါဒ ၊ မဟာပူရိသ၀ါဒ ဟာ အထွတ်အထိပ်ကို ရောက်လာ ခဲ့တဲ့ သဘောပါပဲ။ မြေရှင်ပဒေသရာဇ် ခေတ်မှာတော့ မဟာပူရိသ၀ါဒ ဟာ အဲဒီခေတ်ရဲ့ အခြေခံဖိုဝါဒဆိုင်ရာ မူ တခု ဖြစ်လာခဲ့ပြီး ဖို နဲ့  မ အခွင့်အရေး နှိုင်းယှဉ်မှု အရ ဖို က မ ထက် အခွင့်အရေး အဆမတန် ရယူခဲ့ပါတော့တယ်။ လူ့  သမိုင်းမှာတော့ မြေရှင်ပဒေသရာဇ် ခေတ်ဟာ မဟာပူရိသ၀ါဒ အထွန်းကားဆုံး ဖြစ်ခဲ့ပါတယ်။

(ခ)

မြန်မာ့သမိုင်းမှာ မဟာပူရိသ၀ါဒ ကို ဆန့် ကျင်ဝေဖန်ပြီး အမျိုးသမီးတွေရဲ့ အခွင့်အရေးကိစ္စ ကျယ်ကျယ်လောင်လောင် ပြောဆိုလာကြတဲ့အခြေအနေဟာ မျက်မှောက်ကာလမှာ အကျယ်လောင်ဆုံးကြားရတဲ့သဘောရှိပါတယ်။ ဒါဟာလည်း အခြေအနေမပေးသေးတဲ့ ပြည်တွင်းမှာ မဟုတ်ဘဲ ပြည်ပရောက်မြန်မာအမျိုးသမီးအင်အားစုအတွင်းမှာ အခုလိုပြောဆို လာကြတာ ဖြစ်ပါတယ်။ ဒီလိုပြောဆိုဆွေးနွေးလာကြတာဟာ ကောင်းပါတယ်။ မနေ့ တနေ့ ကဆိုရင် စီမံလုပ်ကိုင်ခွင့်ဆိုင်ရာ အခန်းကဏ္ဍ တွေမှာ အမျိုးသမီးတွေကို ရာခိုင်နှုန်းအတိအကျသတ်မှတ်ရာထား တာဝန်ပေး သင့် မသင့်ဆိုတဲ့ အကြောင်း အရာကို ပြောဆိုဆွေးနွေးကြတာကို ကြားရပါတယ်။

ကျနော်တို့ ဟာ မဟာပူရိသ၀ါဒ သက်တမ်းရှည်ကြာလွန်းစွာ အပေါ်စီးရယူနိူင်ခဲ့လို့  အမျိုးသမီးတွေ အလူးအလိမ့် ခံစားရတဲ့ သမိုင်းကြောင်းကြီးအတွက် စိတ်မကောင်းဖြစ်ကြရတော့ အမှန်ပါပဲ။ ဖိနှိပ်ခံခဲ့ကြရတဲ့ အမျိုးသမီးထုကြီး အတွက် ကျနော်တို့  တတွေ စာနာ ကြရမှာပဲ ဖြစ်ပါတယ်။ ဒါပေမယ့် မဟာပူရိသ၀ါဒ သက်တမ်းရှည်ကြာစွာ နေရာ ယူလာခဲ့လို့  ဖိနှိပ်ခံကြရတဲ့ အမျိုးသမီးတွေက မဟာပူရိသ၀ါဒ ကို ဆန့် ကျင်ဝေဖန်ကြရာမှာ ခံစားချက်ကိုရှေ့ တန်း မတင်ဘဲ တရား အပေါ်မှာပဲ အခြေခံပြီး ပြောဆိုဆွေးနွေးသင့်တယ်လို့  ယူဆမိတယ်။

ခံစားချက်ကို အခြေခံရင် တရား ကို ပွန်းပဲ့သွားနိုင်စေတာမို့ တရားနဲ့ ကင်းကွာတဲ့တောင်းဆိုချက်တွေ၊ တရားနဲ့  ဆန့်ကျင် ဖက်ဖြစ်ကြတဲ့အမြင် တွေ ရှိလာတတ်ပါတယ်။ အစွန်းတဘက်ကိုဝေဖန်ရင်း တခြားအစွန်းတဘက် ချောက်ထဲကျသွားနိူင် ပါတယ်။ မဟာ ပူရိသ၀ါဒကိုဆန့်ကျင်ရင်း မဟာဣတ္ထိယ၀ါဒ နွံထဲဆင်းသွားနိုင်ပါတယ်။ ဒါကို ကျနော်တို့ သတိချပ်ရပါမယ်။
လူ့ သမိုင်းမှာ ပူရိသ၀ါဒ ပဲဖြစ်ဖြစ်၊ ဣတ္ထိယ၀ါဒ ပဲဖြစ်ဖြစ် ဘယ်ဝါဒ၊ ဘယ်စနစ်၊ ဘယ်သတ်မှတ်ချက် ပဲဖြစ်ဖြစ် တရား အပေါ် အခြေခံကြရပါမယ်။ တရားမျှတမှု၊ သဘာဝကျမှုတွေကို အခြေခံထား စဉ်းစားကြရပါမယ်။

(ဂ)

မဟာပူရိသ၀ါဒ ဟာ လူ့ သမိုင်းမှာ ဘယ်ဝါဒမှ လိုက်မမီနိုင်လောက်အောင်၊ ထွန်းကားလာခဲ့တာတော့ အမှန်ပါပဲ။ မဟာဖို
ဝါဒဟာ လူ့ သမိုင်းမှာ သက်တမ်းအရှည်ကြာဆုံးထွန်းကားတဲ့ဝါဒ၊ ခွန်အားအကြီးဆုံးဝါဒ ဖြစ်ပါတယ်။ ယခု လက်ရှိကာလ အထိ ထွန်းကားလျက်ရှိတဲ့ဝါဒ ဖြစ်ပါတယ်။ နောင် ဘယ်လောက်ကြာကြာ ဆက်လက်ထွန်းကားနေဦးမလဲ။

မဟာပူရိသ၀ါဒ အောက်မှာ အမျိုးသမီးတွေ အလူးအလိမ့်ခံစားခဲ့ကြရပါတယ်။ ခံစားရတာကို ခံစားရတယ်လို့ မထင်မှတ်ရ လောက်အောင်ကို ပြင်းထန်ငြင်သာခဲ့ပါတယ်။ ဒီလို အပြင်းအထန်ခံစားခဲ့ရတဲ့ မှတ်တမ်းမှတ်ရာတွေ လည်း တပုံ တပင်ကြီး ရှိပါတယ်။ ဒီအထဲမှာ အမေရိကန်ကဗျာဆရာမ “ ဆစ်လ်ဗီယာ ပလာသ် ” ကတော့ မဟာပူရိသ၀ါဒ ရဲ့  ဖိနှိပ်မှုဒဏ်ကို ကဗျာနဲ့ ဖေါ်ပြပြီး ကမ္ဘာအမျိုးသမီးထုရှေ့က ရှေ့ နေလိုက်ခဲ့ဖူးပါတယ်။

အမျိုးသားတွေရဲ့ အမျိုးသမီးတွေအပေါ် လစ်လျူရှု မှု၊ ဖိနှိပ်မှုတွေကို သူက ကဗျာစပ်ပြီး ဖေါ်ပြခဲ့တယ်။ ဖိနှိပ်ခံရသူ၊ လစ်လျူခံရသူ၊ အမျိုးသမီးတယောက်ရဲ့ ခံစားချက်တွေကို ကဗျာနဲ့  ဖေါ်ပြခဲ့တယ်။ သူ့ ရင်ထဲက အန်ထွက်ကျလာ တဲ့ ခံစားချက်၊ ၀န်ခံချက် ( Confessional )ဟာ တိကျလွန်း၊ စည်းလုံးလွန်း၊ ပေါ်လွင်လွန်းလို့ စာဖတ်သူတွေ အသက်ရှူမ၀ လောက်အောင်၊ ရင်တမမဖြစ်ရလောက်အောင် ခံစားချက်တွေလှိုင်းထန်ခဲ့ကြရပါတယ်။ သူ့ ကဗျာတွေ ထဲမှာ မဟာပူရိသ၀ါဒ ရဲ့  ဖိစည်းမှုကို တွန်းလှန်ဖို့ ကြိုးစားတဲ့ စိန်ခေါ်သံတွေ ဟိန်းဟိန်းညံနေခဲ့ပါတယ်။

ဆစ်လ်ဗီယာ ပလာ့သ် ရဲ့  ကဗျာထဲမှာ အသုံးပြုခဲ့တဲ့ နိမိတ်ပုံတွေဟာ အင်မတန် ကြောက်စရာ ကောင်းလောက်အောင် သစ်လွင်နေတာ၊ တိကျနေတာတွေ့ ရပါတယ်။ ဘ၀အပေါ် သူဘယ်လောက် ခံစားမှုတွေနင့်သီးနေသလဲ ဆိုရင် သူက အင်မတန်အေးမြချမ်းငြိမ်းစေတဲ့ “ လ ” ကိုတောင်မှ “ ဥသေ ” ဆိုတဲ့ နိမိတ်ပုံမျိုး သုံးတတ်ပါတယ်။ ပူရိသ နဲ့ ဣတ္ထိယ ကို အရှင် နဲ့  အသေ သဘောအထိ ရေးခဲ့ပါတယ်။ ပြင်ပမှာရှိတဲ့ ဗဟိဒ္ဓလောက၊ ဗဟိဒ္ဓဥတု၊ ဗဟိဒ္ဓ မိုးလေ၀သအခြေ အနေထက် သူ့ ခန္ဓာကိုယ်ထဲက၊ သူ့ အတွင်းနက်နက်ထဲက အဇတ္ထလောက၊ အဇတ္ထမိုးလေ၀သ ကိုပဲ ရေးဖွဲ့ ပါတယ်။

ဆစ်လ်ဗီယာ ပလာ့သ် ရဲ့ ကဗျာထဲမှာ “ သေကြောင်းကြံတဲ့မိန်းမ ” “ယောင်္ကျားတွေကို အာခံတဲ့မိန်းမ” တခါ တလေမှာ သူဟာ သူ့ ကိုယ်သူ ကိုယ်ပိုင်ဘ၀စစ်စစ်ကို ပိုင်ဆိုင်သူဆိုတာမျိုး၊ ဘယ်ယောင်္ကျားကိုမှ အားကိုးဖို့ မလိုတဲ့ “ပကတိ သန့် ရှင်းတဲ့မိန်းမ” “ယောင်္ကျားအညစ်အကြေး ကင်းရှင်းတဲ့မိန်းမ”ဆိုတာမျိုးတွေရေးခဲ့ပါတယ်။ ဒီလို (Confessional)ဆန်တဲ့ ကဗျာတွေကို ရေးနေတဲ့အချိန်ဟာ ၁၉၆၀ ခုနှစ်တ၀ိုက်မှာ ဖြစ်ပါတယ်။ လွန်ခဲ့တဲ့ နှစ်ပေါင်း (၄၀)၀န်းကျင်ကပါ။

ဒီလိုနဲ့  ၁၉၃၂ ခုနှစ်မှာ မွေးတဲ့ ဆစ်လ်ဗီယာ ပလာ့သ် ဟာ အသက် (၃၁)နှစ်မှာပဲ ဖခင်နဲ့ ကင်းကွာနေတဲ့ လူမမယ် သားသမီးနှစ်ယောက်ကို ထားရစ်ခဲ့ပြီး၊ မီးဖိုချောင်ထဲက၊ ဓာတ်ငွေ့ ပိုက်ကိုရှူကာ ကိုယ့်ကိုယ်ကို သတ်သေ လိုက်ပါ တယ်။ သူဟာ ၁၉၆၃ ခု ဖေဖေါ်ဝါရီလ (၁၁)ရက်နေ့ မှာ သေဆုံးသွားခဲ့ပါတယ်။

(ဃ)

ကျနော်ကတော့ မဟာပူရိသ၀ါဒ ကို အပြင်းအထန်ဝေဖန်ဆန့် ကျင်ပြီး မှန်ကန်တဲ့ ဣတ္ထိယ၀ါဒ ကို ထူထောင်ဖို့ ကြိုးစားတဲ့ မျက်မှောက်ခေတ်မျိုးမှာ ဖြတ်သန်းကြီးပြင်းရတဲ့အတွက် ကျနော့်အဖို့  ကျေနပ်ပါတယ်။ ဒီလိုကြိုးပမ်း ကြသူတွေကိုလည်း လေးစား၊ လေးနက်မိပါတယ်။

မဟာပူရိသ၀ါဒ က ဘယ်လောက်အထိ ဖိနှိပ်မှုပြင်းထန်သလဲဆိုတာကတော့ သက်သေပြစရာတွေ တပုံတပင်ရှိပါ လိမ့်မယ်။ ကိုယ့်ကိုယ်ကို အဆုံးစီရင်သွားတဲ့ အမေရိကန်ကဗျာဆရာမ ဆစ်လ်ဗီယာ ပလာ့သ် ရဲ့ အဖြစ်က အဲဒီ တပုံတပင်ကြီးထဲက တခုပါ။ ကဗျာရှုးသွပ်သူတဦးအနေနဲ့ မဟာပူရိသ၀ါဒ ရဲ့ ဖိစီးမှုပြယုဒ်ကို ကဗျာဆရာ တယောက်ရဲ့ ဘ၀နဲ့  ဖေါ်ပြခွင့်ရလို့ လည်း ကျေနပ်မိပါတယ်။

ဆစ်လ်ဗီယာ ပလာ့သ် က တင်စားပြောဆိုသွားခဲ့တဲ့ အဖြစ်ဆိုး နာကျည်းကြေကွဲဖွယ်ကောင်းတဲ့ “တိရစ္ဆာန်ရုံထိန်းရဲ့ မယား” “ သမ္မာကျမ်းလာ တားမြစ်သစ်ပင်တပင် ” ဆိုတဲ့ အမျိုးသမီး မျိုးရဲ့  ဘ၀မျိုး၊ အဖြစ်မျိုးတွေကို ကျနော်တို့  မကြားရက် မမြင်ရက်တာလည်း အမှန်ပါပဲ။

ဒီစိတ်စေတနာကိုအရင်းခံပြီး စာဖတ်သူတွေကို ဆစ်လ်ဗီယာ ပလာ့သ် ရဲ့ ကဗျာတပုဒ်နဲ့ ကျနော် မိတ်ဆက်ပေးလိုက် ပါတယ်။ ဒီကဗျာထဲက သမ္မာကျမ်းလာ တားမြစ်သစ်ပင်တပင်ရဲ့  မုန်တိုင်းဆန်လှတဲ့အော်သံဟစ်သံတွေကို စာဖတ်သူများ မလွဲမသွေ ကြားကြရပါလိမ့်မယ်။

တိရစ္ဆာရုံထိန်းရဲ့ မယား

လိုအပ်ရင်
ကျမ တစ်ညလုံး မအိပ်ဘဲ နေနိုင်တယ်
ငါးရှဥ့်တကောင်လို တကိုယ်လုံးအေးစက်
မျက်လွှာမရှိ။

သေနေတဲ့ ရေကန်လို
အမှောင်ဟာ ကျမကို ၀န်းရံထားတယ်။

မည်းပြာရောင်
ရင်သပ်ရှုမောဖွယ်ကောင်းတဲ့ မက်မန်းသီးတလုံး။
ကျမ နှလုံးသားထဲက ဘာလေမြှုပ်မှ မထွက်ဘူး။
ကျမမှာ အဆုတ်မရှိဘူး။
ကျမဟာ ရုပ်ဆိုးတယ်။

ကျမရဲ့ ဝမ်းဗိုက်ဟာ ပိုးသားခြေစွပ်ရှည်တဘက်
အဲဒီထဲမှာ ကျမ ညီမတွေရဲ့ဦးခေါင်းတွေ၊
အမြီးတွေ ပုပ်ပွနေတယ်။

ကြည့်၊ အားကောင်းတဲ့ အရည်တွေထဲမှာ
အဲဒီဦးခေါင်းတွေ၊ အမြီးတွေ
အကြွေစေ့တွေလို အရည်ပျော်နေကြတယ်။

ပင့်ကူလို မေးရိုးတွေ၊ တအောင့်လှစ်ပြတဲ့
ကျောရိုးတွေ
အင်ဂျင်နီယာရဲ့ဘလူးပရင့်(တ်) ပုံစံပေါ်က
အဖြူရောင် မျဉ်းကြောင်းတွေလိုပဲ။
အကယ်၍ ကျမ နည်းနည်းလှုပ်လိုက်မယ်ဆိုရင်
ဟောဒီ ပန်းနုရောင်နဲ့ ခရမ်းရောင်စပ် ပလတ်စတစ်
အူအိတ်ဟာ
ကလေးကစားစရာ ခလောက်လို
“ ဂျောက်ဂျက် ” မြည်လိမ့်မယ်ထင်တယ်။

မျိုသိပ်ထားတဲ့ မကျေနပ်ချက်တွေ
အချင်းချင်း တွန်းဝှေ့ တွန်းတိုက်သံတွေ
ကျွတ်ထွက်လာတဲ့ သွားတွေ သွားတွေလို။

ဒါပေမယ့် ဒီကိစ္စကို ရှင် ဘယ်သိမလဲ
ကျမရဲ့ ၀၀တုတ်တုတ် ၀က်ကြီးငဲ့၊
ကျမရဲ့ ခြင်ဆီလို အချစ်ကြီး၊
နံရံကိုပဲ မျက်နှာမူထားတဲ့ လူကြီးငဲ့။

နို့ တိုက်သတ္တ၀ါငယ် လှောင်ရုံထဲက
စိုထိုင်းထိုင်းလေသေထဲမှာ
မီးကျွမ်းထားသလို ခြေသည်းချိတ်တွေနဲ့ 
တွဲလောင်းခိုကြတဲ့
ဝံပုလွေဦးခေါင်း သစ်သီးစားလင်းနို့ တွေနဲ့ 
ရှင် ကျမကို ပိုးပန်းခဲ့တယ်။

သဲပုံထဲမှာ မှေးအိပ်နေတဲ့ သင်းခွေချပ်
ဝက်တကောင်လို ညစ်ညမ်း၊ အမွေးအမျှင်လည်းမရှိ။

ကြွက်ဖြူတွေဟာ ပင်အပ်ထိပ်ဖျားက ကောင်းကင်တမန်တွေလို
ထာဝရအထိ ပွားချင်တိုင်းပွားနေလိုက်ကြတာ
ပျင်းရိ ငြီးငွေ့ မှုသက်သက်ကြောင့်ပဲ။

ချွေးစေးရွှဲနစ် အိပ်ရာခင်းတွေထဲ လုံးထွေးရင်း
ကျမ သတိရရနေတာက
မုဆိုးပိုင်း ပိုင်းထားတဲ့ ယုန်တွေ။

ဓာတ်စာကားချပ်တွေကို ရှင်စစ်ဆေးပြီး
ကျမကို ခေါ်ထုတ်သွားတယ်
အသင်းဝင်များ ဥယျာဉ်ထဲမှာ
စပါးကြီးမြွေနဲ့  ဆော့ကစားခိုင်းတယ်။

ကျမကိုယ်ကျမ
သမ္မာကျမ်းလာ တားမြစ်သီးပင်လို
ဟန်ဆောင်လိုက်တယ်။

ရှင့်ရဲ့ သမ္မာကျမ်းစာထဲ ကျမ ၀င်ခဲ့တယ်။
ရှင့်ရဲ့  သမ္မာကျမ်းလာ အာ့(က်) သင်္ဘောပေါ် တက်ခဲ့တယ်၊
ဆံပင်တုနဲ့  ဖယောင်းနားရွက်နဲ့  အမွန်အမြတ်ထားအပ်တဲ့
ဘာဘွန်းမျောက်နဲ့ အတူ၊
မှန်ဘူးနံရံတွေကို ကုတ်ကပ်တွယ်တက်တဲ့
လက်ချောင်းရှစ်ချောင်းရှိတဲ့ လက်တဘက်လို
ဝက်ဝံမွေးရှည်ရှည် ငှက်သားစားပင့်ကူနဲ့ အတူ။

ကျမစိတ်ထဲက ထုတ်ပစ်မရတာဟာ
မီးခတ်ကျောက်လို လှောင်အိမ်တွေ
မီးပွင့်လင်းပ စေခဲ့တဲ့ ရှင် ကျမကို ပိုးပန်းခဲ့ခြင်းပဲ။

ရှင့်ရဲ့ ချိုနှစ်ချောင်းပါတဲ့ ကြံ့ဟာ
ပါးစပ်တပေါက်ကို ဖွင့်ပစ်လိုက်တယ်
ဘွတ်ဖိနပ်ခွာလို ညစ်ပေလို့ 
ဆေးရုံသုံး လက်ဆေးကြွေခွက်လို ကြီးမားလို့ 
ကျမရဲ့ သကြားခဲလေးရယူဖို့ ၊
ဒင်းရဲ့  နွံပုပ်ခံတွင်းနံ့ ဟာ
ကျမကို တတောင်ဆစ်အထိ
လက်အိတ်တွေလို စွပ်ခဲ့တယ်။

ပက်ကျိတွေဟာ ပန်းသီးနက်တွေလို
အနမ်းတပြွတ်ပြွတ်ပေးလို့ ။

ညတိုင်းပဲ အခု ကျမ
ကြာပွတ်နဲ့ ကို နင်းရိုက်တယ်
သူတို့ ရဲ့သံတိုင်တွေပေါ်ကနေ
ကြာပွတ်နဲ့  တင်းကြမ်းရိုက်ပစ်တယ်
လူဝံတွေ၊ ဇီးကွက်တွေ၊ ၀က်ဝံတွေ၊ သိုးတွေ။

ဒါတောင် ကျမ
ဘယ်တညမျှ
အိပ်ရတယ်လို့  မရှိဘူးရှင့် … ။

ကိုးကား။ ။ ဇေယျာလင်း ရဲ့  ဆစ်လ်ဗီယာ ပလာ့သ်ဘ၀၊ ဆစ်လ်ဗီယာ ပလာ့သ်ကဗျာ စာအုပ်။

Mandalay

Mandalay

dust
heat inside and out side
sick ancient capital
infected with yellow disease
nothing left
only hope and tear.

Myo Tayzar Maung
(for Aunty Daw Win Mya Mya)

LITTLE SISTER

LITTLE SISTER

Hey sister are you all alone?
I'm standing out your window
Hey little sister can I come inside there
I want to show you all my love
I want to be the only one
I know you like nobody ever,

Little sister can't you find another way
No more living life behind a shadow

You whisper secrets in my ear
Slowly dancing cheek to cheek
Such a sweet thing when you open up, baby
They say I'll only do you wrong
Come together cause I understand
Just who you really are ?

Little sister can't you find another way
No more living life behind a shadow

                     Tayzar

အခန်း

ညနေဟာ
ကျီးကန်းတွေနဲ့ပြည့်နေတယ်။

အာသာမပြေသေးတဲ့နေရောင်က
သူ့ရဲ့ကျော်ကြားတဲ့ရွှေရောင်နဲ့
သရက်ပင်ကြီးကိုပွေ့ဖက်လို့
ခွဲရအုန်းတော့မယ်ပေါ့လေ။

အခုနေ
မြေကြီးပေါ်လမ်းလျောက်ရရင်
ဘယ်လောက်အရသာရှိလိုက်မလဲ။

ဒီနေ့အဖို့
နောက်ဆုံးသော့ခလောက်ပိတ်သံက
ငါ့ကို အိတ်တလုံးထဲကောက်ထည့်ခဲ့။

သူသာအနားမှာရှိရင်
စိတ်ကိုဆူးစူးသွားပြီလို့
တိုးတိုးလေးပြောမိအုန်းမယ်။

ညနေဟာ
ကျီးကန်းတွေနဲ့ပြည့်နေတော့တယ်။
်
နှင်းခါးမိုး

နှစ်ယောက်

မနက်စောစော လမ်းလျှောက်ခြင်းကို
သင်ယုံကြည်သလားလို့ ပြူတင်းပေါက်က မေးလိုက်တယ်
တွေဝေစိတ်နဲ့ လှည့်ကြည့်လိုက်တော့
ကြည်လင်တဲ့ မှန် ၆ချပ်ကိုဖြတ်ပြီး တိမ်ညိုတွေဟာ
ချိန်းထားသူရှိနေသလို သွားနေတာ တွေ့လိုက်ရတယ် ..........

သင်ဟာ အကြင်နာကို တောင့်တနေသလားလို့
ခေါင်မိုးက မေးလိုက်တယ်
စိတ်က ခေါင်မိုးဆီ ရောက်သွားတော့ ခေါင်မိုးပေါ်
မိုးတဖြောက်ဖြောက် ကျနေသံ ကြားလိုက်ရတယ် .....

တကယ်တော့ ... ကျွန်တော်ဟာ......
အိပ်ရာတစ်ခုပေါ် အိပ်နေတာမဟုတ်ပဲ
ရုံးခန်းတခုရဲ့ စားပွဲပေါ်မှာ အိပ်နေတာပါ.........
(ခင်ဝမ်း)

မိအေးအကြောင်း

ပါးစပ်ထဲဝါးစရာရှိရင်

တိမ်တွေပြာနေလိမ်.မယ် ။

အခုလိုနားဆင်နေရတာ

(ခွေးတံဆိပ်)

ဓါတ်ပြားခောတ်ကို သွားသတိရမိစေတယ် ။

မှတ်စုစာအုပ်ကို ဖွင်.ကြည်.တော.

သင်္ဘောဟာ

သောင်တင်ဆဲ ။

ရယ်စရာ

မောစရာတွေ

ဟောဒီငြောင်.ကျင်းမှာ

ဘယ်လိုနည်းနဲ.ကျောခင်းရကောင်းမှာလဲ ။

စာရွက်ပေါ်က မေးခွန်းပေါ.

" ဒီနွေဟာ

ခြင်းကြားနဲ.ရေသယ်လာတဲ.နွေပဲလား "

အိုအောင်